«Буллингке жол жоқ!»
«Буллингке жол жоқ!» тақырыбында дөңгелек үстел өткізілді
Балалардың қауіпсіз әрі мейірімді ортада тәрбиеленуі – мектепке дейінгі ұйымның басты міндеттерінің бірі. Осы мақсатта балабақшамызда «Буллингке жол жоқ!» тақырыбында дөңгелек үстел ұйымдастырылды.
Іс-шара барысында педагогтар балалар арасында кездесетін жағымсыз әрекеттердің алдын алу, бір-біріне құрметпен қарау, достық қарым-қатынасты қалыптастыру мәселелерін талқылады. Сонымен қатар буллинг ұғымы түсіндіріліп, оның бала психологиясына тигізетін әсері туралы пікір алмасу жүргізілді.
Дөңгелек үстел барысында қатысушылар балаларға мейірімділік, қамқорлық және өзара сыйластық құндылықтарын қалыптастырудың маңыздылығын атап өтті. Балалардың бір-біріне қолдау көрсетіп, достық қарым-қатынаста болуына бағытталған ұсыныстар айтылды.
Іс-шара соңында қатысушылар балалардың қауіпсіздігі мен психологиялық жайлылығын қамтамасыз ету – педагогтар мен ата-аналардың ортақ міндеті екендігін атап өтті.
Біздің басты ұстанымымыз – мейірімді орта қалыптастырып, буллингке жол бермеу!
